fbpx

Túrmerik Sterkt: Hjálpar að halda bólgum niðri


Sirrý Ágústsdóttir heyrði fyrst af krafti túrmeriks árið 2015. Þá var hún í krabbameinsmeðferð og leitaði meðal annars lausna við bjúgsöfnun. Hún er bólgusækin og fær auðveldlega bjúog og liðverki. Henni finnst hjálpa mjög að taka túrmerikið frá ICEHERBS og fann mun á sjötta eða sjöunda degi, þá aðallega mun á bólgusöfnun.

Kynntist krafti túrmeriks og gat sett upp giftingarhringinn


„Ég heyrði fyrst af túrmeriki 2015 frá vinkonu minni, Mörtu Ernstsdóttur hlaupara og byrjaði að taka það inn í olíuformi og í hylkjum. Þegar ég prófaði túrmerik frá ICEHERBS fann ég hvað það fór vel í magann á mér og mér leið vel af því. Túrmerikhylkin frá ICEHERBS eru kröftug og ég fann mun á mér á sjötta eða sjöunda degi, aðallega í bólgusöfnun. Hylkin fannst mér virka vatnslosandi og ég fann fyrir mun minni þrota í fingrum og fótum. Áður var ég í vandræðum með að hafa giftingarhringinn á mér. Ég var með æxli vinstra megin upp við sogæð og síðan hefur sogæðakerfið virkað illa. Ég bólgna því almennt meira í vinstri helmingi líkamans og túrmerik virðist hjálpa mér að halda bólgum niðri. Margar konur, og örugglega karlar líka, glíma við bólgur og eru viðkvæm fyrir bjúgsöfnun. Ég get ímyndað mér að túrmerik frá ICEHERBS geti verið hjálplegt fyrir mjög marga.“

Hraustari með ICEHERBS

„Regluleg inntaka bætiefna hjálpar mér að vinna á sýkingum. Eftir meðferðirnar er ég með lélegt ónæmiskerfi, enda drepur meðferðin hvítu blóðkornin sem vernda okkur gegn ýmsum sýkingum. Þarna skiptir auðvitað líka máli gott og heilbrigt mataræði og svo hreyfing.“

Lífskraftur Sirrýar

Sirrý stofnaði Lífskraft fyrir rúmum tveimur árum. „Lífskraftur er góðgerðarfélag sem hefur staðið á bak við krabbameinsdeildina og meðal annars safnað fyrir endurbótum á tækjakosti. Við fórum í göngu á Hvannadalshnjúk og Vatnajökul fyrir ekki svo löngu síðan. Ef faraldurinn leyfir kynnum við fljótlega næsta verkefni.

Ég sæki mikið í hreyfingu og útivist og finn að það skiptir miklu máli að taka rétt bætiefni þegar ég er undir álagi. Bætiefnin frá ICEHERBS virðast hafa þau áhrif að ég verð sjaldan, eða eiginlega aldrei veik.“

„Þegar við Snjódrífurnar vorum að æfa fyrir Lífskraft fann ég augljósan dagamun á mér ef ég gleymdi að taka inn túrmerik og önnur bætiefni. Ég fékk ýmist meiri bjúg, var stanslaust að fá sinadrætti, var lengur að jafna mig í vöðvunum eftir æfingar og var almennt þreyttari. Orkan var einfaldlega minni. Ég finn líka mikinn mun á mér í vinnunni og heima, en ég starfa hjá Epal og stend í fæturna allan daginn. Svo er ég með stórt heimili. Það skiptir því miklu fyrir mig að gera allt sem ég get til þess að vera heilsuhraust.“

„Mér líður vel í dag og ég lifi ekki í ótta við að krabbameinið taki sig upp að nýju. Ég nýt þess að vera til alla daga og hef gaman af því að stunda útivist og hreyfa mig. Heilsan skiptir mig gríðarlega miklu máli upp á að njóta þess að vera til, að vera heilbrigð og hraust. Ég finn líka að ég er öflugri ef ég er dugleg að nýta mér þau úrræði sem mér standa til boða, eins og að taka inn bætiefni sem hafa áhrif á mína heilsu.“

Árangursrík blanda

Túmerik hefur verið notað í þúsundir ára til þess að vinna gegn ýmsum bólgum og sjúkdómum en virka efnið kúrkúmín er talið hafa sterk bólgueyðandi og andoxandi áhrif. Þá hafa bólgueyðandi eiginleikar túmeriks gefið sérstaklega góða raun gegn gigtarsjúkdómum og liðverkjum auk þess sem það örvar blóðflæði og hefur góð áhrif á húðvandamál og sár. Blandan inniheldur svartan pipar sem margfaldar upptöku túrmeriks. 

Túrmerik blandan frá ICEHERBS inniheldur fjallagrös en virkni þeirrar lækningarjurtar hefur gefið henni viðurnefnið ginseng Íslands. Í fjallagrösum er að finna svokallaðar betaglúkantrefjar sem eru taldar aðstoða við þyngdartap, draga úr bjúg, bæta meltingu og styrkja þarmana, sér í lagi ristilinn. Þau hafa meðal annars reynst árangursrík gegn slímmyndun og óæskilegum bakteríum. Fjallagrösin gera ICEHERBS blönduna að ofurblöndu en þau hafa öldum saman verið notuð sem náttúruleg og viðurkennd lækningajurt á Íslandi. Þau eru rík af steinefnum og eru talin auka skilvirkni í upptöku næringarefna sem gera bæði innihaldsefnin sterkari saman.

Hrein náttúruafurð

Túrmerik sterkt frá ICEHERBS fæst í öllum apótekum og heilsuvöruverslunum, Hagkaupum, Nettó og Fjarðarkaupum. Sjá nánar á iceherbs.is

Einnig hefur ICEHERBS opnað nýja vefverslun þar sem hægt er að panta bætiefnin. www.iceherbs.is

Grein var fyrst birt í fréttablaðinu

Vörurnar fást í flestum apótekum, heilsuvörurverslunum og betri stórvörumörkuðum.