08 mar Sofðu rótt: sefur nú rótt án svefnlyfja

Kristín Þorvaldsdóttir hefur um árabil þjáðst af slit- og vefjagigt og tekið inn bæði svefnlyf og verkjalyf við því. Í kjölfar aðgerðar vegna mjaðmagrindarbrots ákvað hún síðan að segja skilið við verkjalyf og svefntöflur og leita náttúrulegri lausna. Í dag fær hún mun betri svefn með Sofðu rótt en án þess.

„Ég var mikil íþróttakona hér áður fyrr og spilaði golf. Vegna gigtar og veikinda hætti ég að geta stundað það. Ég hætti því í sportinu og í vinnunni,“ segir Kristín. Við tók langur kafli þar sem Kristín glímdi við sársauka vegna veikinda og svefnvandamál. Þá fékk hún uppáskrifað hjá lækni svefnlyf og verkjatöflur.

Slysaðist til að hætta

„Ég slasaðist árið 2019 og brotnaði á mjöðm. Í júní 2020 fór ég í seinni aðgerðina af tveimur. Eftir hana ákvað ég að hætta á verkjalyfjum. Í kjölfarið hóf ég að trappa mig niður og loks losa mig alfarið við svefnlyfin. Ég hafði tekið svefnlyf síðustu þrjú ár með hléum, því að ég á almennt erfitt með að sofna á kvöldin. Ég lá uppi í rúmi og bylti mér á þúsund vegu. Þetta stafaði eflaust af óþægindum vegna slitgigtar og vefjagigtar. Ég gat ekki slakað á. Svo sofnaði ég eftir dúk og disk, jafnvel þó ég væri að taka svefnlyf. Svo eru svefnlyfin líka þannig að þau gera mann ofboðslega þungan. Það tók mig langan tíma að vakna á morgnana og ég var þung í höfðinu lengi fram eftir degi. Eftir tvo mánuði var ég orðin laus við verkjalyf og svefnlyf.“

Óeirðin kom aftur

Nokkru eftir að Kristín hætti að taka svefnlyfin fann hún að það var komin smá óeirð í hana og enn vantaði hana hjálp við að sofna. „Ég var ekki farin að sofa 100%. Þá held ég að ég hafi séð auglýsingu í blaðinu og ákvað í kjölfarið að prófa Sofðu rótt frá ICEHERBS. Ég vildi klárlega fara út í eitthvað náttúrulegt og eitthvað sem væri ekki ávanabindandi, frekar en að byrja aftur að taka svefnlyfin. Ég fann strax mun á mér. Núna eru komnir þrír mánuðir frá því ég byrjaði að taka Sofðu rótt og ég er allt önnur.“

Hvílist betur

„Í dag fer ég upp í rúm á kvöldin, les smá í bókinni minni eða hlusta á hljóðbók. Þegar ég finn að ég er að sofna þá bara legg ég bókina frá mér og sofna án þess að þurfa að bylta mér endalaust. Ég segi ekki að ég sofi 100% allar nætur, en ég fæ mun betri svefn með Sofðu rótt en án þess, og ég sef líka betur heldur en með hjálp svefnlyfja. Ég er aldrei þung í höfðinu þegar ég vakna og vakna mun fyrr heldur en á svefnlyfjum. Þá finn ég að ég hvílist allajafna betur. Ég finn að maður er ekki jafnstressaður og áður eða kvíðinn. Þetta hefur róandi áhrif á mig og ég finn það sérstaklega í öllu þessu ástandi sem hefur verið í dag, faraldur og hvaðeina.

Sofðu rótt virðist vera eitthvað sem gefur mér líka hugarró fyrir svefninn og ég hef fulla trú á vörunum frá ICEHERBS. Ég mæli heils hugar með Sofðu rótt fyrir alla sem eiga í vandræðum með svefn og ég tala nú ekki um ef fólk vill kúpla sig út úr svefnlyfjum.“

Náttúrulega slakandi og róandi

Náttúrulegar lausnir eins og jurtir og lækningajurtir hafa verið notaðar langt aftur í aldir um heim allan. Fjölmargar rannsóknir hafa verið gerðar, ekki klínískar þó, en þær eiga það sameiginlegt að sýna fram á virkni lækningajurta. Flestar lækningajurtir eru skaðlausar og því er greiður aðgangur að þeim. Náttúrulegar lausnir hafa lengi virkað vel á fjölmarga enda er sú leið oft valin ef fólk vill komast hjá lyfjanotkun. ICEHERBS býður upp á náttúrulega lausn við svefnvandamálum, en gríðarlega stór hópur fólks velur að reyna við náttúrulegar lausnir áður en svefnlyf eru notuð.

Sofðu rótt í alla nótt

Sofðu rótt frá ICEHERBS inniheldur magnolíubörk og íslensk fjallagrös. Saman virka þessar tvær jurtir einstaklega vel til þess að bæta svefn á náttúrulegan og heilbrigðan hátt. Þessi öfluga blanda hentar vel fyrir þá sem vilja aðstoð við að ná betri, jafnari og samfelldum svefni sem og bæta andlega líðan.

Þessi magnaða jurt, magnolía, hefur verið notuð um aldir við þunglyndi, svefnvandamálum, kvíða og streitu. Hún er þekkt fyrir að virka almennt slakandi og róandi, og á að bæta eðlilegan og samfelldan svefn.

Rannsóknir á magnolíu sýnafram á að hún inniheldur virk efni, sem vitað er að hafi áhrif á andlegt jafnvægi. Virku efnin í magnolíuberkinum örva boðefni í heilanum og koma jafnvægi á hormónið kortísón. Þau geta virkað almennt slakandi og róandi og bæta eðlilegan og samfelldan svefn.

Sofðu rótt blandan inniheldur einnig íslensk fjallagrös, oft nefnd ginseng Íslands. Fjallagrös eru rík af steinefnum, einkum járni og kalsíum. Fjallagrös hafa verið þekkt fyrir vatnslosandi áhrif og geta hjálpað til við að draga úr bjúg. Þau innihalda betaglúkantrefjar sem hafa reynst vel við þyngdartap, geta bætt meltingu og styrkt þarmana.

ICEHERBS fæst í öllum betri matvöruverslunum, apótekum og heilsuvöruverslunum og í nýrri vefverslun á iceherbs.is.

Grein var fyrst birt í fréttablaðinu

Vörurnar fást í flestum apótekum, heilsuvörurverslunum og betri stórvörumörkuðum.