06 feb Burnirót: Kemst í gegnum daginn með kvíðarótinni

Helgi Ómarsson er mikill aðdáandi náttúrulegra bætiefna. Hann byrjaði að taka inn Meiri orku frá ICEHERBS eftir að hafa lesið sér til um burnirót. Hann hefur tröllatrú á henni og þreytist ekki að segja fólki frá töfrum hennar. Helgi tekur vítamín daglega og finnst mjög gaman að bæta einhverju nýju og öflugu við í vítamínboxin sín

Helgi Ómarsson lýsir sér sem nett ofvirkum tvíbura með rísandann í bogamanni. „Loft og eldur, alltaf út um allt, veit ekki í hvaða átt ég er að fara en er samt alltaf á leiðinni eitthvað,“ segir hann og bætir við að ofvirknin sýni sig líka í vinnu, en Helgi er ljósmyndari, tískubloggari, hlaðvarpsstjórnandi og markaðsráðgjafi.

Burnirótin náttúruleg kvíðarót
„Ég lifi mjög aktífum lífsstíl, bæði líkamlegum og andlegum. Ég er mikill sjálfsvinnuperri og tek því mjög alvarlega. Ég stunda einnig líkamsrækt hjá líkamsræktarstöðinni Afreki, sem er mikið partí,“ segir hann. Helgi tekur daglega inn Meiri orku frá ICEHERBS, en Meiri orka er öflug blanda íslenskrar burnirótar og fjallagrasa.

„Síðan ég las fyrir mörgum árum að burnirótin væri náttúruleg kvíðarót þá hef ég verið frekar upptekinn af henni. Ég trúi á mátt náttúrunnar og mikilvægi þess að taka inn sem mest úr henni til að lifa sem heilbrigðustu lífi. Mér finnst það mjög sexí. Ég er sérstaklega upptekinn af burnirótinni, túrmeriki og engiferi. Ég læt það sjaldnast vanta inn í rútínuna mína,“ útskýrir hann.

Meiri orka og ADHD
ADHD greiningin kvatti Helga til þess að huga að réttu vítamínunum. „Ég er mjög skrautlegur þegar kemur að athygli. Ég er greindur með ADHD og með þeirri greiningu fylgir mikill kvíði. Ég fór því að taka það mjög alvarlega að muna að taka vítamínin mín, þá sérstaklega burnirótina og D-vítamín blönduna frá ICEHERBS.“

Eftir að ég byrjaði að taka inn vítamínin mín og vera með rútínu þegar ég vakna, þá fann ég mikinn mun og er í rauninni allt annar. Mér finnst það ákveðin lífsgæði að geta tekið inn náttúruleg bætiefni og vítamín til að bæta líkama og sál.“

Las grein um burnirót sem breytti öllu
Helgi bjó í Danmörku þegar hann las fyrst um burnirótina. Hann var í skrifstofustarfi og segir að þegar hann vinni slíka vinnu sé auðvelt að greina hvernig honum líður frá degi til dags.

„Ef ég man rétt þá snerist greinin um að burnirótin er eina rótin sem við þurfum. Mér fannst það mjög sexí tilhugsun og varð mjög upptekinn af henni. Góðvinkona mín Ragga nagli er einmitt mikill talsmaður burnirótar og er mjög dugleg að mæla með henni en ég fylgi henni eins og hvolpur þegar kemur að heilsu,“ segir hann.

Geggjað að nýta mátt náttúrunnar
Helga finnst rútína og rétt bætiefni skipta máli. „Ég hef mjög strangtrúaða rútínu þegar kemur að bætiefnum og ef ég þyrfti að velja tvö vítamín þá mundi ég alltaf taka burnirótina og D-vítamínið. Ég tel það mjög mikilvægan part af minni andlegu heilsu. Mér finnst Meiri orka vera fullkomin leið fyrir mig til að koma mér vel í gegnum daginn minn sem svona ADHD-pési og finnst geggjað að nýta mátt náttúrunnar til að reyna að tækla það sem best. Áhrifin eru aðallega að ég er skýrari og man meira, sem er rosalega mikilvægt fyrir mig sem er út um allt og þarf að muna ótrúlega margt frá degi til dags.“

Þá segir hann algjörlega nauðsynlegt að taka burnirótina daglega. „Ég segi öllum í kringum mig að gera það. Það liggur við að ég krefjist þess.“

Náttúran er ekkert að djóka
„Mér finnst mjög gaman að vera vítamín-perri,“ segir hann og hlær. „Það koma auðvitað dagar sem ég gleymi að taka vítamín eins og þegar ég þýt út, en þá finn ég líka mun á sjálfum mér. Mér líður langbest og finnst ég alltaf skýrari með allt löðrandi í bætiefnum. Mér finnst góð morgunrútína vera það besta í heimi, lífsgæðin mín liggja þar,“ heldur hann áfram.

„En eftir að ég las þessa grein um burnirótina, þá er eins og eitthvað hafi smollið í heilanum á mér, ég hef síðan þá alltaf tekið hana inn og hef alla heimsins trú á henni og líka á vítamínum sem unnin eru beint úr náttúrunni. Ég vil hafa allt sem hreinast. Náttúran okkar er ekkert að djóka, hún býr náttúrulega bara yfir endalausum heilsu- og mannbætandi eiginleikum.“

Meiri orka frá ICEHERBS
Meiri orka inniheldur 100% íslenska burnirót með íslenskum fjallagrösum fyrir aukna orku og minna stress. Meiri orka er öflug blanda íslenskrar burnirótar og íslenskra fjallagrasa. Burnirót inniheldur hátt innihald virkra efna sem hafa áhrif á andlegt jafnvægi og virka almennt hressandi og örvandi. Burnirót vinnur gegn þreytu, þunglyndi, einbeitingarskorti og þróttleysi. Burnirót er talin hjálpa vel á tímabilum andlegs álags í vinnu eða námi, eða gegn streitu og skorti á orku.

Íslensk framleiðsla
ICEHERBS leggur áherslu á að framleiða hrein og náttúruleg bætiefni sem nýtast viðskiptavininum og að virkni skili sér í réttum blöndum og að eiginleikar efnanna viðhaldi sér að fullu. Þá eru enn fremur engin óþörf fylliefni notuð.
Astaxanthin frá ICEHERBS er framleitt á Íslandi þar sem áhersla er lögð á gæði, hreinleika og sjálfbærni. Greinin var fyrst birt í fréttablaðinu.

Vörurnar fást í flestum apótekum, heilsuvörurverslunum og betri stórvörumörkuðum.