07 mar Hvannarót: Þvagþörfin kom aftur með Hvannarrót

Hvannrrót frá ICEHERBS hjálpaði Birnu Dís að fá þvagþörfina aftur eftir að hún eignaðist sitt annað barn.

Birna Dís Ólafsdóttir er tveggja barna móðir sem upplifði óheppileg óþægindi eftir að hún eignaðist seinna barn sitt sem tekið var með keisara. Eftir fæðinguna missti hún alla þvagþörf. Hún uppgötvaði þá Hvannarrót frá ICEHERBS og vandamálið hvarf fljótt.

Missti þvagþörfina eftir keisara

“Þetta gerðist ekki eftir að ég átti fyrsta barnið mitt með keisara. En eftir seinni fæðinguna kom upp smá vesen með þvaglegginn eftir keisarann og í kjölfarið byrjaði þetta vandamál. Það var ekkert mál að pissa í sjálfu sér, en af því ég fann ekki fyrir því þá þurfti ég alltaf að muna eftir því að fara á klósettið á ákveðnum tímum. Stundum liðu kannski átta tímar þegar ég áttaði mig á því að ég var ekkert búin að pissa þann daginn sem hefði geta leitt til enn stærri vandamála.“

Vildi leita lausna vandamálsins

Eins og gefur að skilja fannst Birnu Dís þetta vandamál mjög óþæginlegt og vildi leita lausna. “Ég var orðin frekar örvæntingarfull yfir þessu og fór að skoða hvort ég gæti tekið einhver vítamín eða bætiefni sem gætu hjálpað. Ég fann út að hvannarrót ætti að hafa áhrif á þvagblöðruna svo ég ákvað að prófa.“

Fann þvagþörfina aftur

„Mig minnir að ég hafi fundið mun eftir svona viku. Ég gefst yfirleitt mjög fljótt upp á að taka inn bætiefni, en af því að ég fann mun svona snemma þá hélt ég áfram að taka þau inn. Ég trúði því varla að hvannarrótin hefði þessi áhrif þar sem mér fannst þetta gerast svo hratt. Ég ákvað að hætta að taka hana inn eftir eitt glas, en þá bara hvarf þvagþörfin aftur. Ég fór þess vegna að taka hana inn aftur og hef haldið mig við það síðan.“ Birna bætir því við að hún myndi pottþétt mæla með ICEHERBS Hvannarrótinni fyrir konur sem upplifa sama vandamál.

100% íslensk hvannarrót

ICEHERBS Hvannarróti er úr íslenskri ætihvönn, sem heitir á latínu Angelica archangelica. Ætihvönn hefur sterkar rætur sem búa yfir miklum krafti og rótin á plöntunni virðist vera virkari og hafa mun meiri örvandi áhrif en aðrir hlutar plöntunnar. Hvannarrótin frá ICEHERBS er þurrkuð og möluð hvannarrót í hylkjum úr jurtabeðmi, sem gerir vöruna 100% náttúrulega.

Hvannarrót þekkt nytja- og lækningarjurt

Ætihvönn er ein þekktasta nytja- og lækningarjurtin sem notuð var á Íslandi og víðar í Norðurálfu til forna. Hún vex aðallega á norðlægum slóðum eða hátt til fjalla í Evrópu. Allir hlutar plöntunnar hafa verið nýttir í gegnum tíðina en rótin var einna mest notuð til lækninga þar sem styrkleikar hennar hafa alltaf verið vel þekktir. Jurtin er þekkt fyrir að vinna gegn einkennum ofvirkrar þvagblöðru og getur viðhaldið heilbrigðri þvagblöðru og þvagrás. Sýnt hefur verið fram á að notkun hvannar geti fækkað salernisferðum og þar með haft jákvæð áhrif á svefn og um leið bætt daglegt líf.

Jákvæð áhrif á meltingu og uppþembu

Áhrif hvannarrótar eru margvísleg og fyrir utan jákvæð áhrif hennar á þvagblöðru hefur hún lengi verið notuð við hvers kyns meltingarvandamálum, til að örva meltingu og draga úr uppþembu og lofti í maga. Dagleg inntaka hefur mikil jákvæð áhrif á líðan fólks.
Á seinni árum hafa svo verið gerðar miklar vísindalegar rannsóknir á virkni efnainnihaldi ætihvannar sem hafa leitt í ljós að sú virkni sem kennd hefur verið við hvönnina í þúsundir ára er sannanleg og að ætihvönnin sé einkar virk og öflug jurt.

Íslensk framleiðsla

ICEHERBS leggur áherslu á að framleiða hrein og náttúruleg bætiefni sem nýtast viðskiptavininum og að virkni skili sér í réttum blöndum og að eiginleikar efnanna viðhaldi sér að fullu. Þá eru enn fremur engin óþörf fylliefni notuð.
Hvannarrót frá ICEHERBS er úr 100% íslenskri hvannarrót og er framleitt á Íslandi þar sem áhersla er lögð á gæði, hreinleika og sjálfbærni.

Grein var fyrst birt í Fréttablaðinu þann 4. mars 2023.

Vörurnar fást í flestum apótekum, heilsuvörurverslunum og betri stórvörumörkuðum.