RAUÐRÓFUDUFTIÐ KEMUR ÞÉR LENGRA

HLJÓP 100 KM. Í FEBRÚAR – BYRJAÐI AÐ HJÓLA OG HLAUPA FYRIR 4 ÁRUM

Kristín Ýr Gunnarsdóttir fjölmiðlakona hljóp samtals 100 kílómetra til að vekja athygli á sjaldgæfum sjúkdómum í febrúar síðastliðinn. Hún byrjaði að hjóla og hlaupa fyrir rúmum fjórum árum – en þá var aðal markmiðið að komast út götuna. Síðan þá hefur hún tekið þátt í hinum ýmsu hjólakeppnum og hlaupið hálft maraþon í útlöndum. Kristín Ýr sá tækifæri í því að sameina áhuga sinn á hreyfingu og styrkja í leiðinni félagið Einstök börn – sem er félag foreldra barna með sjaldgæfasjúkdóma.

Hún svaraði örfáum skemmtilegum spurningum um lífið og hversdagsleikann.

Hver er morgunrútínan þín?

Ég er ekki mikil rútínu manneskja, en það sem ég hef vanið mig á er að þvo mér alltaf um andlitið með köldu vatni á morgnana. Ég finn hvernig það hjálpar mér að verða ferskari. Einnig drekk ég alltaf eitt vatnsglas – ég hef vanið mig á að koma kerfinu mínu þannig í gang eftir nóttina. Annað fer dálítið fram á hlaupum – svo ég verði ekki sein.

 

Hvaða vítamín tekur þú?

Ég tek D-vítamín  alla daga. Ásamt því nota ég stundum Sofðu rótt frá ICEHERBS.  Eftir að ég fór að taka það inn finn ég að taugakerfist róast fyrir svefninn. Einnig tek ég  rauðrófuduftið frá ICEHERBS til að auka úthald og styrk.

 

20200122_ernir_dsf2625
katrin_mynd3

Afhverju hefur þú notað Iceherbs vítamín?

Ég fór fyrst að taka þau því mér fannst flöskurnar svo fallegar þegar ég var að leita mér að rauðrófudufti í hylkja formi. Ég fór nefnilega að lesa mig til og áttaði mig á að rauðrófa, í öllu formi, getur haft mikil áhrif. Hún er rík af andoxunarefnum, eykur blóðstreymið og veldur því hraðari súrefnisflutningi til vöðvanna. Ég prófaði fyrst í vökvaformi og áttaði mig á því þannig að þetta virkar. Ég finn að ef ég inn­byrgði þær áður en ég fer út að hlaupa þá er ég orku­meiri. Þetta ger­ir það að verk­um að ég get þotið hlaupa­stíga borg­ar­inn­ar — hraðar en áður! Svo uppgvötaði ég ICEHERBS hylkin. Best þykir mér að skella í mig tveimur hálftíma fyrir hlaup eða hjól og þá eru mér allir vegir færir.  Ég kalla þetta leynitrixið mitt – sem hjálpaði mér að ná auknum árangri.

 

Hvernig heldur þú þér heilbrigðri eða hvaða hreyfingu stundar þú?

Ég byrjaði að hjóla og hlaupa fyrir um fjórum árum síðan. Síðan þá hef ég tekið þátt í hjólakeppnum – sem og hlaupið hálft maraþon í útlöndum. Ég er ekki ein af þeim sem er afreksíþróttamanneskja en ég geri þetta til að halda í heilsu og líða vel. Fyrst um sinn var aðal atriðið að geta hlaupið út götuna eða hjólað upp brekku. Smám saman jókst þó þolið og markmiðin urðu háleitari.

 

Hvernig fórst  þú að því að hreyfa þig lítið og yfir í að taka þátt í keppnum?

Þetta var í raun bara eitt skref í einu. Ég byrjaði á því að taka tíma í að hlaupa tvo kílómetra sem ég lengdi smám saman. Setti mér svo markmið að taka þátt í eins mörgum fimm kílómetra hlaupum og ég gat fyrsta árið. Svo smám saman komst ég lengra og í ágætis form. Hjólin voru svo svipuð – allt tekið í skrefum. Það er best að taka þetta bara róleg, skref fyrir skref og hrósa sér fyrir alla kílómetrana.

Ég tek ekki þátt í hjóla- eða hlaupakeppni til að vinna þær. Heldur því það er skemmtilegt og heldur mér við efnið – mér finnst gott að hafa það hugarfar, því þetta er líka bara svo sjúklega gaman.

katrin_
katrin

Hvernig hlúir þú að andlegri heilsu?

Með hreyfingu – það er mitt aðal meðal. Ég nota hreyfingu til að halda fókus á huganum og hjálpa mér að takast á við tilfinningar. Ég finn að ef það kvikna erfiðar tilfinningar innra með og ég veit ekki alveg hvernig ég á að róa hugann – þá er alltaf best að fara aðeins út á hjólið. Því þar hugleiði ég og næ ró.

Svo er ég þessa dagana að æfa sjálfsástina. Lengi vel þoldi ég ekki þegar fólk sagði „þú verður bara að læra að elska sjálfa þig“. Mér fannst það skrítið ráð – en í dag skil ég það betur. Sjálfsástin er grunnurinn að öllu öðru. Hún krefst mikillar æfingar þó. Ég geri því einn til tvo hluti á dag sem hjálpa mér að horfa inn á við og sjá eigin virði – hvort sem það er í samskiptum við fólk eða bara að læra að elda nýjan mat.

 

Hver er uppskriftin að þínum draumadegi?

Minn draumadagur færi fram einhversstaðar úti í náttúrunni á hjólinu mínu. Þar næ ég mínu jafnvægi. En svo eru líka bestu dagarnir þegar ég og dætur mínar erum allar heima og náum góðri samveru, spjalli og ró.

 

Hvað gerir þú til að hafa gaman?

Margt! En aðallega þá hlæ ég, því ég hef áttað mig á að það er besta geðlyfið. Það að hlægja og hafa góðan húmor fyrir sjálfri sér er lykillinn minn að góðu lífi. Best er að hlægja með góðri vinkonu – jafnvel yfir einu freyðivínsglasi og gera upp lífið á trúnó.

 

LESTU MEIRA UM RAUÐRÓFUDUFTIÐ HÉR

glos-2020-vefur-raudrofur

LESTU MEIRA UM D-VÍTAMÍNIÐ HÉR

glos-2020-vefur-d-vit

LESTU MEIRA UM SOFÐU RÓTT HÉR

glos-2020-vefur-sofdurott
Recent Posts